Отабек Холматов Фюри-Усик жанг қиладиган турнирда рингга чиқиши мумкин
Спорт
−
28 Ноябрь 2023 3100
Ўзбекистонлик профессионал боксчи Отабек Холматовнинг Бутунжаҳон бокс ассоциацияси (WBA) камари учун жангини Американинг “Top Rank” промоутерлик компанияси ташкил қилади. Бу ҳақда WBA ўз расмий сайтида маълум қилди.
“Top Rank” промоутерлик савдосида 317,5 минг АҚШ доллари эвазига ғалаба қозонди. WBA камари учун Холматовга рақиблик қиладиган америкалик Раймон Форднинг промоутери эса аукционда 255 минг долларлик таклиф билан чекланди.
Ҳозирда Форд ва Холматовнинг жанги санасини белгилаш бўйича музокаралар кетмоқда. Тўқнашув 2024 йилнинг 2 март куни Верона, 16 февраль куни Нью-Йорк ва 17 февралда Ар-Риёдда ўтказиладиган профбокс оқшомларидан биридан ўрин олиши кутилмоқда.
Таъкидлаш жоиз, 2024 йил 17 февраль куни Саудия Арабистони пойтахти мезбонлик қиладиган жанг оқшомида британиялик Тайсон Фьюри ва украиналик Александр Усик супероғир вазннинг мутлақ чемпионлиги учун рингга кўтарилади. Холматов иштирокидаги тўқнашув ҳам айнан Фьюри-Усик иштирок этадиган турнир доирасида ўтказилиши, эҳтимолидан ҳоли эмас.
Live
Барчаси
