“Олтин тўп” рейтинг баллари сиздирилди. Дембеле етакчи

Ҳар йили бўлгани каби жорий йилда ҳам “Олтин тўп” (Ballon d'Or) совриндорлари рейтинг баллари интернетга сизиб кетди. Ижтимоий тармоқларда тарқалган маълумотларга кўра, ПСЖ ҳужумчиси Усмон Дембеле энг юқори – 630 балл билан рўйхатда пешқадамлик қилмоқда.

Иккинчи ўринда эса “Барселона” клуби иқтидорли футболчиси Ламин Ямал 573 балл билан қайд этилган. Қолган номзодларнинг баллари ҳозирча оммага ошкор этилмаган.

Эслатиб ўтамиз, ўтган йили ҳам шунга ўхшаш рейтинг рўйхати интернетда тарқалган эди. Ўша пайтда ҳамма маълумотлар аниқдек туюлганди, бироқ якунда соврин Родрига насиб этган.

Шунингдек, Ламин Ямал “France Football”  томонидан бериладиган “Kopa Trophy” – энг яхши ёш футболчи мукофотига ҳам даъвогарлар рўйхатида турибди. Бу эса унинг жорий мавсумдаги ёрқин ўйинини яна бир бор тасдиқлайди.

Ҳозирча “Олтин тўп”нинг расмий натижалари эълон қилинмаган бўлиб, мукофот топшириш маросими яқин ҳафталарда ўтказилиши кутилмоқда.

Жаҳонгир Болтабоев