Норчаев Португалия визаси тайёр бўлишини кутмоқда

Аввалроқ, "Алания" клубининг ўзбекистонлик ҳужумчиси Ҳусайн Норчаев фаолиятини Португалия чемпионатида давом эттириши мумкинлиги хабар қилинганди.

Ҳозирда Норчаев Португалия визаси тайёр бўлишини кутмоқда. Шундан сўнг 22 ёшли ҳужумчи Брага шаҳрига йўл олади ва тиббий кўрикдан ўтади. Бу ҳақда QALAMPIR.UZ манбаси хабар берди.

Норчаев Португалия чемпионатида тўп тепган биринчи ўзбекистонлик футболчи бўлмайди. Бунгача мазкур чемпионатда Ўзбекистон миллий терма жамоасининг собиқ футболчиси Сардор Рашидов ҳам тўп тепган. Рашидов Мадейра шаҳрининг “Насьонал” жамоасида 7 та ўйинда майдонга тушиб, ўз номига 3 та гол ёздириб қўйган. 

Маълумот учун, Ҳусайн Норчаев охирги мавсумни ижара асосида Фарғонанинг “Нефтчи” клубида ўтказиб, 15 та ўйинда 4 та гол уриб, 2 та голли узатмани амалга оширишга муваффақ бўлди. “Transfermarkt”га кўра, футболчининг қиймати 400 минг еврони ташкил этади.