Нодирбек Абдусатторов халқаро турнирда етакчига айланиб олди
Спорт
−
02 Март 2024 7896 1 дақиқа
Айни кунларда Чехия пойтахти Прага шаҳрида шахмат бўйича “Prague Chess Festival 2024” турнири ўтказилмоқда. Мусобақада иштирок этаётган ўзбекистонлик гроссмейстер Нодирбек Абдусатторов турнир жадвалида пешқадамликни ўз қўлига олди.
Ортда қолган 4 та турдан сўнг Нодирбек 3 очко жамғариб, эронлик Пархам Магсудлу билан қўшҳокимлик қиляпти.
3-турда мезбон шахматчи Давид Наварани мағлубиятга учратган Абдусатторов 4-турда ҳиндистонлик Гукеш Домаржуга қарши дона суриб, дурангга имзо чекди.
Маълумот учун, бугун, 2 март куни 19 ёшли Абдусатторов 5-тур полшалик Матеуш Бартелга қарши баҳс олиб боради.
Эслатиб ўтамиз, аввалроқ ўзбекистонлик шахматчи жаҳон рейтингида 8-ўринга кўтарилиб олгани хабар қилинганди. Бир неча кун олдин эса Нодирбек FIDE рейтингида кучли ўнталикка кирган биринчи ўзбекистонлик шахматчига айланди.
Live
БарчасиТўқаев Путинни атоқли давлат арбоби деб атади
29 Сентябрь
Тошкентдаги овқатланиш шохобчасида ёнғин чиқди
29 Сентябрь
