Нобель қўмитаси Тинчлик мукофотининг Трампга топширилишига изоҳ берди
Олам
−
16 Январь 5697 1 дақиқа
Норвегия Нобель қўмитаси Венесуэла мухолифати етакчиси Мария Корина Мачадо томонидан Тинчлик бўйича Нобель мукофоти АҚШ Президенти Дональд Трампга топширилгани юзасидан муносабат билдирди. Бу ҳақда қўмитанинг Х ижтимоий тармоғида баёнот берилди.
“Нобель мукофоти эълон қилингач, уни бекор қилиш, бўлиш ёки бошқа шахсларга топшириш мумкин эмас. Қарор якуний бўлиб, доимо ўз кучида қолади. Медаль эгасини ўзгартириши мумкин, бироқ Тинчлик бўйича Нобель мукофоти лауреати мақоми ўзгармайди”, дейилади баёнотда.
Эслатиб ўтамиз, аввалроқ Мария Корина Мачадо Доналд Трампга ўзининг Тинчлик бўйича Нобель мукофоти медалини топширганини маълум қилган эди. У ва Трамп Оқ уйда Венесуэладаги вазиятни муҳокама қилиш учун учрашган, суҳбат икки соатдан ортиқ давом этган.
2025 йилги Тинчлик бўйича Нобель мукофоти Мачадога “Венесуэла халқи учун демократик ҳуқуқларни илгари суриш йўлидаги тинимсиз саъй-ҳаракатлари” учун берилган. Дональд Трамп эса бир неча бор ўзининг тинчликпарварлик ташаббуслари учун Нобель мукофотига лойиқ эканини таъкидлаб келган.
