Nissan 2030 йилгача электромобиль ва гибридларнинг янги моделларини кўпайтирмоқчи

Технология

image
0:00
0:00
download

Япониянинг Nissan компанияси бизнесни ривожлантириш стратегияси доирасида 2030 йилга қадар (2030 йил 1 апрелдан бошланади) электромобиллар ва гибридларнинг янги моделларини 23 тадан 27 тагача оширмоқчи. Бу ҳақда ишлаб чиқарувчи сайтида чоп этилган баёнотда келтирилган.

“Биз 27 та янги моделни ишлаб чиқариш ниятидамиз”, дейилади баёнотда.

Қайд этилишича, уларнинг 27 тасидан 19 таси тўлиқ электрон автомобиллардан иборат бўлади. 2024 йилда шундай электромобиллардан бири Хитой бозори учун тақдим этилади. 

Япон компанияси бу стратегия орқали 2026 йилга қадар жаҳон бозорларида электромобиллар ва гибридлар савдосини оширишни режалаштирмоқда.  Бу кўрсаткич Европада умумий сотув ҳажмининг 98, Японияда 58, Хитойда 35 фоизини ташкил этади. АҚШ эса ушбу ўсиш даражасини 40 фоизга етказмоқчи. 

Япония автомобиль ишлаб чиқарувчилари сўнгги вақтларда асосий эътиборни камхарж технологияларга қаратмоқда. Етакчи автоконцернлардан бири “Toyota” ҳам 2030 йилгача фақат электр ва гибрид двигателли машиналарни сотишни мақсад қилган. Корхона бу натижага Хитойда 2035 йилга қадар эришишни режалаштирган.

Умида Мухторбекова


Мақола муаллифи

avatar

.

Теглар

Nissan электромобиль

Баҳолаганлар

0

Рейтинг

3

Мақолага баҳо беринг

Дўстларингиз билан улашинг