Неймар интернетда шовқин кўтарди

Кеча, 13 январь куни ПСЖ Франция Супуркубоги учун ўтказилган финал баҳсида “Марсель” клуби устидан 2:1 ҳисобида устун келди ва суперкубокни қўлга киритди.

Шундан сўнг, ПСЖ ҳужумчиси Неймар Twitter саҳифасида ўзининг расмини қўйиб, рақиб жамоа ҳимоячиси Альварога қуйидагича савол қолдирди:

“Бу – қирол. Шундай эмасми, Альваро?” 

Бунга, ўз навбатида, “Марсель” клуби марказий ҳимоячиси Альваро Неймарнинг бошини ушлаб олгани акс этган фотосуратни Twitter саҳифасига жойлаб, қуйидагича жавоб изоҳини қолдирган:

“Ота-онам менга ҳар доим ахлатни олиб чиқиб, ташлаш кераклигини ўргатган”.

Mes parents m'ont toujours appris à sortir les poubelles. Allez L’OM toujours💙 pic.twitter.com/wmJGbHTByQ

— Álvaro González (@AlvaroGonzalez_) January 13, 2021

Эслатиб ўтамиз, Франция чемпионатининг сентябр ойида ПСЖ билан “Марсель” (0:1) ўртасида бўлиб ўтган учрашув якунида Неймар Альваронинг бошига зарба бергани учун қизил карточка олганди. Оқибатда жамоалар ўртасида жанжал келиб чиқиб, ҳакам бир неча футболчиларни майдондан четлатганди.