Неймар Бразилия футбол федерацияси президентини ҳақоратлади
Спорт
−
17 Октябрь 2023 4050
Саудия Арабистонининг “Ал-Ҳилол клуби ҳужумчиси Неймар Бразилия футбол федерацияси президенти Эдналдо Родригес билан жанжаллашиб қолди. Бу ҳақда спорт журналисти Хосе Карлос Араухо ўзининг Х саҳифасида маълум қилди.
Манбага кўра, Неймар Родригес билан жанжаллашиб, уни ҳақорат қилган, шунингдек, Бразилия терма жамоаси ўйинларини бойкот қилиш билан қўрқитган.
13 октябрь куни Бразилия терма жамоаси ЖЧ-2026 саралашининг 3-турида Венесуэла терма жамоаси билан дуранг ўйнади. Учрашув 1:1 ҳисобида якунига етди.
Маълумот учун, 2026 йилги Жаҳон чемпионати АҚШ, Канада ва Мексикада бўлиб ўтади. Бу финал босқичида 48 та жамоа иштирок этадиган биринчи ЖЧ дир. Гуруҳ босқичи энди ҳар бирида тўртта жамоадан иборат 12 та гуруҳдан иборат бўлиб, биринчи ва иккинчи ўринларни эгаллаган жамоалар, шунингдек, энг яхши учинчи ўрин эгалари плей-офф босқичига йўл олади.
Live
Барчаси
