Netanyaxu XJS orderiga qaramay Vengriyaga bordi 

Isroil Bosh vaziri Binyamin Netanyaxu Gaagadagi Xalqaro jinoiy sudi yurisdiksiyasini tan olgan Vengriyaga davlat tashrifi bilan bordi. XJS esa Isroil Bosh vazirini hibsga olishga order bergan edi.

Netanyaxuning Budapesht aeroportida surati bugun, 3 aprel kuni uni kutib olgan Vengriya Mudofaa vaziri Krishtof Salay-Bobrovnitski tomonidan Facebook'da e’lon qilindi.

O‘tgan yil 21 noyabr kuni XJC Netanyaxu va Isroilning sobiq mudofaa vaziri Yoav Galantni Isroilning G‘azo sektoridagi harbiy harakatlari uchun hibsga olishga order berdi.

Vengriya Bosh vaziri Viktor Orban bu harakatni keskin qoralab, Netanyaxuni Budapeshtga taklif qilishga va Gaaga talabini e’tiborsiz qoldirishga va’da berdi.

1 aprel kuni “Ozodlik” radiosining venger xizmati Vengriya adliya vaziri Bens Tussonga tayanib, Budapesht xorijlik diplomatlarni XJCdan chiqishi haqida xabardor qilganini xabar qildi.

Jurnalistlarning hisob-kitoblariga ko‘ra, butun jarayon bir yilga cho‘zilishi mumkin.

Ma’lumot uchun, Vengriya 2001 yilda XJCning Rim statutini imzolagan.