Нетаньяху Ғазо ишғоли борасида штаб бошлиғи билан жанжаллашди

Исроил Бош штаб бошлиғи Эяль Замир ва Бош вазир Биньямин Нетаньяху Ғазо секторига ҳужумлар ва минтақани тўлиқ босиб олиш режаларини муҳокама қилиш бўйича ўтказилган учрашувда оғзаки жанжаллашди. Бу ҳақда Исроилнинг КАН давлат телевидениесининг хабар берди. 

Қайд этилишича, генерал Замир Бош вазир Нетаньяхуга Ғазо секторини тўлиқ эгаллаш режаси мамлакатни тузоққа тушираётганини айтган. 

Учрашувда Замир, шунингдек, Бош вазирнинг ўғли Яир Нетаняху томонидан ўзига йўналтирилган айбловларни ҳам тилга олган. Яирнинг уни “тўнтаришга уриниш”га раҳбарлик қилгани ҳақидаги айбловларига тўхталиб, “Ғазода уруш кетаётган пайтда” нима учун бундай ҳужумга учраганини сўради.

Замир, шунингдек, аввалроқ матбуотга сиздирилган ва Бош вазир Нетаняьхунинг унга: “Агар Ғазони тўлиқ босиб олиш режаси сизга ёқмаса, истеъфога чиқинг” деган хабарга кескин муносабат билдирди.

“Матбуот олдида истеъфога чиқаман, деб қўрқитманг. Агар режангизни қабул қилмасак, истеъфога чиқаман деб доимий равишда қўрқитишингизни қабул қилмайман. Менинг ўғлим эса вояга етган, 33 ёшда”, деб жавоб берди Бош вазир.

Замирнинг Ғазони тўлиқ босиб олиш режаси мамлакатни тузоққа туширмоқда, деган танқидига жавобан Нетаньяху Вазирлар Маҳкамасига тақдим этилаётган режага қўшимчалар киритилишини айтди. Қайд этилишича, Замир ора-сира жанжал пайтида жаҳли чиқиб кетган.

Вазиятдан хабардор манбанинг KAN'га айтишича, Нетаньяху Ғазони тўлиқ босиб олишга интилмоқда. Исроил матбуоти аввалроқ Замир Ғазони тўлиқ босиб олиш режасига қарши эканини хабар қилган эди.