Нефтнинг “ўйнаши” Россияга қандай таъсир кўрсатади?

Россия иқтисодиёт университети (РИУ) мутахассислари нефтнинг ўртача йиллик нархини пасайтириш билан мамлакат бюджетига етиши мумкин бўлган зарарни ҳисоблаб чиқишди. Бу ҳақда “Известия” нашри ёзмоқда.

Иқтисодчиларнинг ҳисоб-китобларига кўра, агар нефтнинг ўртача йиллик нархи бир баррель учун 30 долларга тушса, Россия бюджети 2,5 триллион рубль йўқотади. Агар нарх бир баррель учун 20 долларга тушса, зарар 3 триллион рублни, нефть 10 долларга тушганда - 4,7 триллион рублни ташкил этади.

Шу билан бирга, нефтнинг ўртача йиллик нархининг баррель учун 1 долларга тушиши 2 триллион рубль миқдорида зарарга олиб келади, дея тахмин қилинади тадқиқотда. Мутахассисларнинг таъкидлашича, бу ҳолда йўқотишлар рублнинг девальвацияси билан қисман қопланади.

“Таъкидланишича, РИУ мутахассислари Россия нефтининг нархи бир баррель учун деярли 0 долларгача пасайишини истисно этмайди, аммо ўртача йиллик нархнинг 30 доллардан пастга тушиши даргумон бўлиб қолмоқда”, деб ёзади нашр.