Навоийдаги “Мурунтов” олтин қазиб олувчи дунёдаги энг йирик кон мавқейини йўқотди

2022 йилда олтин қазиб олиш бўйича дунёдаги энг йирик 10 та кон ичида бундан олдин пешқадам бўлиб келган Навоий вилоятидаги “Мурунтов” кони иккинчи ўринни эгаллади. Бу ҳақда Kitco таҳлилий маркази хабaр берди.

Унга кўра, “Мурунтов” очиқ кон комплекси 2022 йилда қарийб 1,7 млн унция қазиб олгани тахмин қилинган. Коннинг узунлиги 3,3 км дан ортиқ бўлиб, эни 2,5 км ва чуқурлиги қарийб 600 метрни ташкил қилади. “Мурунтов” конида 150 млн унциядан ортиқ олтин захиралари ва ресурслари мавжуд.

Шунингдек, рейтингда 2022 йил давомида энг кўп олтин қазиб чиқарган кон Индонезиядаги “Gracberg” кони эканлиги айтилган. 
Қуйида олтин қазиб чиқарувчи дунёдаги энг йирик конлар ўнлиги келтирилган:
1.  “Gracberg” (Индонезия);
2.  “Мурунтов” (Ўзбекистон)
3.  “Carlin” (АҚШ) 
4. “Олимпиада” (Россия)
5. “Boddington” (Австралия)
6. “Kibali” (Конго Демократик Республикасидаги) 
7. “Detour Lake" (Канада)
8. “Cortez” (АҚШ) 
9. “Pueblo Viejo” (Доминика Республикаси)
10. “Loulo Gounkoto" (Малидаги)

Эслатиб ўтамиз, Кitco таҳлилий маркази талқинига кўра, 2021 йилдаги рейтингда “Мурунтов” кони олтин қазиб олиш бўйича биринчи ўринни олган эди.