Навоийда ноқонуний тарзда балиқ овлаганлар аниқланди
Жамият
−
29 Январь 2023 10547 1 дақиқа
Навоий вилоятидаги Тўдакўл сув ҳавзасида ноқонуний тарзда балиқ овланди. Бу ҳақда вилоят Экология бошқармаси матбуот хизмати хабар берди.
Қайд этилишича, вилоятнинг Қизилтепа туманидаги Тўдакўл сув ҳавзасида 6 нафар фуқаро қоидаларни бузган ҳолда жами 48 дона балиқни овлаган.
Ҳолат юзасидан ҳуқуқбузарларга Мажбурий жавобгарлик тўғрисидаги кодекснинг 90-моддаси 1-қисми билан базавий ҳисоблаш миқдорининг 10 баробари – жами 18 миллион сўм жарима тайинланган. Шунингдек, овланган балиқлар учун ҳайвонот дунёсига етказилган 11 миллион 670 минг сўм зарар миқдори ҳам ҳисобланган.
Live
БарчасиStarship космик кемаси илк бор орбитага йўл олди
28 Сентябрь