Навоийда 3 киши ЙТҲ қурбони бўлди
3-саҳифа
−
06 Май 2021 5380
Навоий вилоятида Tracker-2 русумли автомашина иштирокида содир бўлган йўл-транспорт ҳодисасида уч киши ҳалок бўлди. Бу ҳақда Навоий вилояти ИИБ ЙҲХБ Матбуот гуруҳи катта инспектори Фарруҳ Якубов “Zamon” дастурига маълум қилди.
Ҳодиса 3 май куни соат 21:00 ларда Қизилтепа тумани ҳудудидан ўтган “Когон-Қизилтепа-Тошробод-Янгиқурғон” давлат аҳамиятига эга автомобиль йўлининг “Когон-Қизилтепа” йўналишида содир бўлган. Мазкур йўлда ҳаракатланиб келаётган ҳайдовчи ўзига тегишли бўлган Tracker-2 русумли автомашинасини “Когон-Қизилтепа” йўналиши бўйлаб бошқариб бориб, автомашина тезлигини ошириши натижасида бошқарувни йўқотган. Оқибатда, автомашина йўл четига чиқиб кетиб, ағдарилган ва йўл-транспорт ҳодисаси содир этган.
Натижада 2 нафар фуқаро воқеа жойида, 1 нафар фуқаро туман тиббиёт бирлашмасининг жонлантириш бўлимида вафот этган.
Ҳолат юзасидан тергов ҳаракатлари олиб борилмоқда.
