Навоийда ҳоким 1 млрд сўмдан ортиқ пулни “еб юборган” мансабдорни лавозимига қайтарди
Жамият
−
22 Июнь 2023 15895
Навоий шаҳар ҳокими 2021 йилда 1 миллиард 53 миллион сўм бюджет маблағини талон-торож қилган Ободонлаштириш бошқармасининг собиқ бошлиғи Юсуф Турсуновни лавозимига қайтарди. Бу ҳақда шаҳaр ҳокими Муродхон Эгамқуловнинг 2023 йил 21 июнь куни имзоланган қарорида келтирилган.
Турсунов Навоий шаҳар судининг 2021 йил 4 мартдаги ҳукмига асосан ЖКнинг 167-моддаси 3-қисми “а” банди ва қатор моддаларни қўллаган ҳолда 1 йил 6 ой мансабдорлик ва моддий жавобгарлик ишларида ишлаш ҳуқуқидан маҳрум қилинганди.
Шунингдек, унга нисбатан ойлик иш ҳақининг 10 фоизини давлат даромадига ушлаб қолган ҳолда 2 йил 7 ой ахлоқ тузатиш ишлари жазоси тайинланган.
Эндиликда Юсуф Турсунов Навоий шаҳар ҳокими Муродхон Эгамқуловнинг 2023 йил 21 июндаги қарори билан шаҳар Ободонлаштириш бошқармаси бошлиғи лавозимига қайта тайинланди.
Муҳсинжон Умурзоқов
