NASA Ернинг янги суратларини эълон қилди (фоторепортаж)

Аввалроқ, 50 йилдан сўнг АҚШ Миллий аэронавтика ва космик маъмурияти (NASA) тўрт нафар астронавтни Ой атрофида парвоз қилиш учун юборишга тайёрлиги хабар қилинган эди. Жорий йилнинг 2 апрель куни парвозини амалга оширган Artemis II кемаси экипажи фазодан Ернинг янги суратларини эълон қилди. Бу ҳақда NASA хабар қилди.

Қайд этилишича, муваффақиятли амалга оширилган парвоздан сўнг кема тахминан 8 соатлик танаффус берган. Танаффус ортидан Artemis II экипажи космосдаги иккинчи тўлиқ иш кунини бошлаган.

NASAнинг маълум қилишича, миссия бошқарув маркази (Техас штатидаги  Johnson Space Center) экипажни уйғотиш учун мусиқа қўйиб эшиттирган.

Экипаж уйғонган пайтда улар Ердан тахминан 99 900 миль (160 минг км) узоқликда бўлиб, Ойга 161 750 миль масофада яқинлашаётган бўлган.

Ой кузатуви учун тайёргарлик

Миссия олимлари экипаж Ой ёнидан учиб ўтадиган пайтда кўринадиган ҳудудларни танламоқда. 6 апрель куни кема Ой атрофидан айланиб ўтади.

Шу пайтда Қуёш, Ой ва космик кема шундай жойлашадики, экипаж Ойнинг орқа томонини тахминан 20 фоизини кўра олади.

Бу жараёнда Ой суратларини олиш бошланади ва махсус линзали камералардан фойдаланади.

Эслатиб ўтамиз, аввалроқ NASA Artemis II миссияси орқали бутун дунё аҳолиси учун ўз исмларини Ойга юбориш имкониятини тақдим этиши хабар қилинган эди.