Наманганда корхона 11 млрд сўмлик электрни ўмарди

3-саҳифа

−

15 Июль visibility2215 timer1 дақиқа

Наманганда 11 млрд сўмлик электр энергиясидан ноқонуний фойдаланган корхона аниқланди. Бу ҳақда Электр энергияси, нефть маҳсулотлари ва газдан фойдаланишни назорат қилиш инспекцияси хабар берди.

Маълум қилинишича, Бош прокуратура штаби томонидан Наманган шаҳрида ўтказилган назорат тадбирида “С. Ф.” хусусий корхонасига қарашли нотурар бинода электр қурилмалари ҳисоблагичдан ташқари тармоққа уланиб, электр энергиясидан ноқонуний фойдаланилганлиги аниқланган.

Ушбу қоидабузарлик натижасида электр таъминоти корхонасига 11 миллиард 80 миллион сўмлик зарар етказилганлиги маълум бўлди.

Эслатиб ўтамиз, аввалроқ Жиззах вилоятида 1,4 млрд сўмлик электр энергиясидан ноқонуний фойдаланган фермер хўжаликлари аниқланган эди.

Мақола муаллифи