Нью-Йоркда вертолёт дарёга қулаши оқибатида 6 киши ҳалок бўлди (видео)

Кеча, 10 апрель куни АҚШнинг Нью-Йорк шаҳрида ичида саёҳатчилар бўлган вертолёт Гудзон дарёсига қулаши оқибатида олти киши, жумладан, уч бола ҳалок бўлди. Бу ҳақда AP News хабар берди.

Ҳуқуқ-тартибот идораларидаги манбаларнинг нашрга маълум қилишича, қулаш оқибатида Европа автоматлаштириш компанияси Siemens'нинг Испаниядаги раҳбари Агустин Эскобар, унинг рафиқаси Мерси Кампруби Монтал ва уларнинг 4, 5 ва 11 ёшли болалари ҳамда 36 ёшли учувчи ҳалок бўлган. Бироқ ҳалок бўлган вертолёт учувчисининг шахси ҳозирча аниқланмаган. 

Ҳалокатга учраган вертолёт Bell 206 модели бўлган, учувчи бошқарувни йўқотган, вертолёт ҳавода парчалана бошлаган, сўнгра дарёга қулаган. Фавқулодда ҳодиса жойида олиб борилган қидирув ишлари тахминан икки соат давом этган. 

Оқ уй раҳбари Дональд Трамп ўзининг ижтимоий тармоқлардаги саҳифасида ҳалокат жуда даҳшатли бўлганини ёзган. Ҳозирда Миллий транспорт хавфсизлиги бошқармаси ҳодиса юзасидан текширув ўтказмоқда.

Эслатиб ўтамиз, аввалроқ Жанубий Африкада пингвин вертолёт ҳалокатига сабаб бўлганди. Robinson R44 Raven II туридаги вертолёт Қушлар оролидан Шарқий Кап провинциясига пингвинни олиб кетаётган пайтда ҳалокатга учраган. Ҳодиса олдинроқ содир бўлган бўлса-да, расмий ҳисобот эълон қилингач, тафсилотлар аён бўлган.