МЮ раҳбарияти Роналду борасида муҳим қарор қабул қилди

Спорт 21651
image
-

Португалия терма жамоаси ва “Манчестер Юнайтед” ҳужумчиси Криштиану Роналду келаси мавсумда ҳам “қизил иблислар” сафида ҳаракат қилади. Бу ҳақда ESPN нашри хабар берди.

Манбага кўра, “Юнайтед” раҳбарияти 37 ёшли футболчини ҳеч қаерга қўйиб юбормаслигини маълум қилган. Шунингдек, Манчестер клубининг янги бош мураббийи Эрик тен Хаг Криштиану Роналдуни ўз режаларига киритган ва португалиялик супер ҳужумчи билан ишлашдан мамнун бўлади.

Аввалароқ Роналду “Манчестер Юнайтед”нинг трансфер сиёсатидан норози эканлиги ва шу сабаб клубни тарк этиши мумкинлиги тўғрисида хабарлар пайдо бўлганди. Роналдуга даъвогарлик қилган “Бавария” ойлик маошининг катталиги боис ушбу харидни амалга оширишдан воз кечганди.

Маълумот ўрнида, ўтган мавсумда Роналду Англия Премьер лигасида 29 та ўйинда майдонга тушиб, 18 та гол урди ва 3 та голга ассистентлик қилди. Шунингдек, португалиялик иқтидор эгаси UEFА Чемпионлар лигасининг 7 та ўйинида 6 та гол уришга муваффақ бўлди.

Маъруф Абдумаликов

.
Мақолага баҳо беринг
Баҳолаганлар: 898
Рейтинг: 3
Теглар
t
×