Модричнинг “Милан”даги келажаги маълум бўлди

2018 йилги “Олтин тўп” соҳиби, олти карра Чемпионлар лигаси ғолиби Лука Модрич Италиянинг “Милан” клуби билан янги шартнома имзолашга розилик берди. Бу ҳақда журналист Фабрицио Романо маълум қилди.

Манбага кўра, томонлар қисқа муддатли шартнома бўйича келишувга эришган. 40 ёшли Модрич ўтган мавсумдан буён “Милан” сафида тўп сурмоқда. У 2012 йилнинг ёзида “Тоттенхэм”дан “Реал Мадрид”га ўтиб, Испания гранди таркибида улкан муваффақиятларга эришди. Хорват ярим ҳимоячиси клуб билан 6 та Чемпионлар лигаси, 5 та Клублар ўртасидаги Жаҳон чемпионати, 4 та Испания чемпионлиги, 2 та Испания кубоги ва 5 та Испания Суперкубогини қўлга киритди. 2018 йилда эса “Олтин тўп” соҳиби бўлди.

Фаолияти давомида у Англиянинг “Тоттенхэм”, Хорватиянинг “Динамо Загреб”, Босния ва Герцеговинанинг “Зриньски Мостар”, шунингдек, Англиянинг “Милтон Кейнс Донс” клублари шарафини ҳам ҳимоя қилган.

Хорватия терма жамоаси сафида Модрич 2018 йилги Жаҳон чемпионатида кумуш, 2022 йилги мундиалда эса бронза медалини қўлга киритган. 2026 йилги Жаҳон чемпионати эса унинг фаолиятидаги бешинчи мундиаль бўлди.