Мирзиёевни кимлар Янги йил билан табриклади?

Янги йил байрами муносабати билан Президент Шавкат Мирзиёев номига хорижий давлатлар, парламентлар ва ҳукуматлар, нуфузли халқаро ва минтақавий ташкилотлар, глобал молиявий институтлар раҳбарлари, таниқли сиёсатчилар, жамоат ва дин арбобларидан самимий табрик ва тилаклар келмоқда. Бу ҳақда Президент матбуот хизмати хабар берди.

Халқаро ҳамкорлар ўз қутловида Шавкат Мирзиёев раҳбарлигида Янги Ўзбекистонда сиёсий янгиланишлар ва ижтимоий-иқтисодий ислоҳотлар дастури муваффақиятли амалга оширилаётгани, давлатнинг жаҳон миқёсидаги нуфузи ва мавқеини мустаҳкамлашга хизмат қиладиган фаол, конструктив ва прагматик ташқи сиёсат олиб борилаётганини қайд этмоқда.

Хорижий етакчилар Ўзбекистон Президенти ва кўп миллатли халқига тинчлик-осойишталик, бахт-саодат, фаровонлик, катта муваффақиятлар ва равнақ тилакларини изҳор этмоқда.

Жумладан, қуйидагилар ўз табрикларини йўллаган:

• Россия Президенти Владимир Путин;
• Хитой Халқ Республикаси Раиси Си Цзиньпин;
• Қозоғистон Президенти Қосим-Жомарт Тўқаев;
• Қирғизистон Президенти Садир Жапаров;
• Тожикистон Президенти Имомали Раҳмон;
• Туркманистон Президенти Сердар Бердимуҳамедов;
• Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов;
• Озарбайжон Президенти Илҳом Алиев;
• Беларусь фуқароси Александр Лукашенко;
• Арманистон Бош вазири Никол Пашинян;
• Қозоғистоннинг биринчи президенти Нурсултон Назарбоев;
• Япония Бош вазири Сигэру Исиба;
• Буюк Британия Бош вазири Кир Стармер;
• Миср Президенти Абдулфаттоҳ ас-Сиси;
• Эрон Президенти Масъуд Пезешкиён;
• Жазоир Президенти Абдулмажид Теббун;
• Иордания Подшоҳи Абдулла II;
• Фаластин Президенти Маҳмуд Аббос;
• Латвия Президенти Эдгарс Ринкевичс;
• UNESCO Бош директори Одри Азулай;
• ХАЭА бош директори Рафаэль Гросси;
• Шанхай ҳамкорлик ташкилоти Бош котиби Чжан Мин;
• Мустақил Давлатлар Ҳамдўстлиги Бош котиби Сергей Лебедев;
• Туркий давлатлар ташкилоти Бош котиби Кубаничбек Омуралиев;
• Иқтисодий ҳамкорлик ташкилоти Бош котиби Асад Хон;
• Жаҳон банки президенти Ажай Банга;
• Осиё инфратузилмавий инвестициялар банки президенти Цзинь Лицюнь;
• Қишлоқ хўжалигини ривожлантириш халқаро фонди президенти Альваро Ларио.

Эслатиб ўтамиз, Янги йил арафасида Шавкат Мирзиёев Гурбангули Бердимуҳамедов, Садир Жапаров ҳамда Нурсултон Назарбоевни табриклаган ва Владимир Путиндан табрикнома олган эди.