Мирзиёев Тўқаевга табрик йўллади
Олам
−
16 Декабрь 2023 6298
Ўзбекистон Республикаси Президенти Шавкат Мирзиёев Қозоғистон раҳбари Қосим-Жомарт Тўқаев номига мамлакат Мустақиллиги куни муносабати билан табрик мактубини йўллади. Бу ҳақда Оқ ўрда хабар берди.
Қайд этилишича, Ўзбекистон Президенти Шавкат Мирзиёев Қосим-Жомарт Тўқаев ва бутун Қозоғистон халқини табриклаб, мамлакатлар ўртасидаги қардошлик ришталарини алоҳида таъкидлаган.
“Ўтган давр мобайнида дўст Қозоғистон Республикаси турли соҳаларда улкан ўзгаришлар ва туб ислоҳотларни бошидан кечирганини, мамлакатингизнинг халқаро майдондаги ҳурмати ва нуфузи тобора ортиб бораётганини алоҳида таъкидламоқчиман”, дейилади табрикда.
Бундан ташқари, Тўқаевга Тожикистон, Қирғизистон, Туркманистон, БАА ҳамда Индонезия Президентлари ҳам табрик йўллаган.
Маълумот учун, 1991 йилда Қозоғистон ўз мустақиллигини эълон қилганди.
