Мирзиёев Си Цзиньпин билан дарахт экди

Жамият 5780
image

Ўзбекистон Республикаси Президенти Шавкат Мирзиёев ва Хитой Халқ Республикаси Раиси Си Цзиньпин сермаҳсул музокаралардан сўнг Самарқанддаги "Буюк ипак йўли" халқаро туризм маркази боғида биргаликда дарахт экдилар.

Бу икки дўст мамлакат ўртасидаги ҳар томонлама стратегик шериклик муносабатларини мустаҳкамлашга муштарак интилишларнинг навбатдаги рамзи бўлди.

Эслатиб ўтамиз, бугун, 15 сентябрь куни Шавкат Мирзиёев ва Си Цзиньпин расмий делегациялар иштирокида музокара ўтказди. Музокара якунига кўра, умумий қиймати 15 миллиард долларлик устувор лойиҳаларни амалга ошириш бўйича савдо-иқтисодий, инвестициявий ва молиявий-техник ҳамкорликка доир келишувлар имзоланди.

Шунингдек, олий даражадаги ташриф доирасида инвестициявий ҳамкорлик, фойдали қазилмаларни ўзлаштириш, коррупциянинг олдини олиш ва унга қарши курашиш, қурилиш ва бошқа соҳалар бўйича 15 та ҳужжат имзоланди.

Суннатилла Абдуллаев
Мақолага баҳо беринг
Баҳолаганлар: 180
Рейтинг: 3.1
t
×