Мирзиёев Путин билан телефонда нималарни гаплашди?
Жамият
−
11 Апрель 2023 9867
Бугун, 11 апрель куни Ўзбекистон Республикаси Президенти Шавкат Мирзиёев Россия Федерацияси Президенти Владимир Путин билан телефонда гаплашди. Бу ҳақда Президент Матбуот хизмати хабар берди.
Мулоқот давомида давлатлараро товар айирбошлаш суръатларини таъминлаш ва қўшма кооперация лойиҳаларини амалга оширишга қаратилган биринчи галдаги чора-тадбирлар муҳокама қилинган.
Шунингдек, жорий йилнинг апрель ойи охирида Тошкент шаҳрида ўтказиладиган “Иннопром” халқаро саноат кўргазмасидан икки мамлакат ишбилармонлари ва ҳудудлари даражасидаги амалий ҳамкорликни илгари суришда самарали фойдаланиш масаласига алоҳида эътибор қаратилган.
Бундан ташқари, маданий-гуманитар алмашинув дастури доирасидаги ҳамкорлик сермаҳсул бўлаётгани мамнуният билан қайд этилган.
