Мирзиёев бокс бўйича жаҳон чемпионатига борди (видео)
Жамият
−
13 Май 2023 12107
Бугун, 13 май куни Ўзбекистон Президенти Шавкат Мирзиёев бокс бўйича жаҳон чемпионати ўтаётган “Humo Arena” спорт мажмуасига борди. Давлат раҳбари Ўзбекистон боксчилари иштирокидаги финал баҳсларини кузатади. Бу ҳақда Президент матбуот котиби Шерзод Асадов хабар берди.
Асадов эълон қилган видеода Президентнинг ёнида унинг ўғли Алишер, Бош вазир Абдулла Арипов, Тошкент шаҳар ҳокими Шавкат Умрзоқовларни кўриш мумкин.
Эслатиб ўтамиз, бугун, 13 май куни Тошкент шаҳрида ўтказилаётган бокс бўйича катталар ўртасидаги Жаҳон чемпионатининг финал жангида Асадхўжа Мўйдинхўжаев 67 кг вазнда қозоғистонлик боксчи Дулат Бекбауовга қарши рингга кўтарилди. Асадхўжа 5:0 ҳисобида қозоғистонлик рақиби устидан ғалаба қозонди ва чемпионатнинг олдин медалига сазовор бўлди.
