Месси ЖЧ тарихидаги нохуш рекорд соҳиби бўлди

Аргентина терма жамоаси ҳужумчиси Лионель Месси Жаҳон чемпионатлари тарихида энг кўп пенальтини ноаниқ амалга оширган футболчига айланди. Бу ҳақда “Reuters” хабар берди. 

Бу ҳолат 2026 йилги Жаҳон чемпионати гуруҳ босқичининг иккинчи туридан ўрин олган Австрияга қарши учрашувда содир бўлди. Ўйиннинг 9-дақиқасида белгиланган пенальтини тепган Месси имкониятдан фойдалана олмади. Тўп дарвоза тўсини устидан ўтиб кетди.

Бу Мессининг Жаҳон чемпионатлари доирасида учинчи марта пенальтидан унумли фойдалана олмаслиги бўлди. Шу тариқа у мазкур кўрсаткич бўйича ягона антирекордчига айланди. Аввалроқ бу натижа Гана терма жамоасининг собиқ ҳужумчиси Асамоа Гьян билан тенг эди. Статистикага пенальтилар сериясида амалга оширилмаган зарбалар ҳам киритилган.

Шу билан бирга, Лионель Месси ушбу ўйинда Жаҳон чемпионатлари тарихидаги энг яхши тўпурарлардан бири бўлган Германия терма жамоасининг собиқ ҳужумчиси Мирослав Клозенинг рекордини такрорлади ҳам.

Маълумот учун, Аргентина терма жамоаси турнирдаги илк учрашувида Жазоирни 3:0 ҳисобида мағлуб этган, ўша баҳсда Месси хет-трик қайд этган эди. Шу тариқа ҳам Месси, ҳам Клозе Жаҳон чемпионатлари тарихида энг яхши тўпурарлик рекордини янгилади ҳам пенальтиларни аниқ амалга оширолмаслик бойича антирекорд қайд этди.