Месси Жаҳон чемпионати фаворитларини айтди

Аргентина терма жамоаси сардори Лионель Месси 2026 йилда АҚШ, Мексика ва Канадада бўлиб ўтадиган Жаҳон чемпионати олдидан турнирнинг асосий фаворитлари кимлигини айтди.  Бу ҳақда AS нашри хабар берди.

“Жуда яхши жамоалар бор. Анчадан бери чемпион бўлмаган Испания, Франция, Англия ва Бразилия ҳам турнирда ғалаба қозонишни истайди. Доим Аргентинани мағлуб этишни орзу қилган Германия энди ўтган Жаҳон чемпионатидан кейин буни янада кўпроқ хоҳлайди. Бу жуда қийин бўлади, аммо улар чемпионлик учун курашишларига шубҳа қилмайман”, дейди Лионель Месси.

Шунингдек, “Интер Майами” юлдузи ҳам ўз фикрини билдириб, чемпионлик учун курашишда юқоридаги жамоалар номи билан бирга Аргентинани ҳам чемпионлик учун фаворит эканлигини таъкидлади. Бироқ чемпионлик курашида Месси Роналдо бошчилигидаги Португалияни ўзининг фаворитлар рўйхатига қўшмади.

Маълумот учун, қуръада Аргентина терма жамоаси Австрия, Иордания ва Жазоир билан бирга “Ж” гуруҳидан ўрин олди. Португалия эса Колумбия, Ўзбекистон ва Конго/Янги Каледония/Ямайка плей-офф ғолиби билан бирга “К” гуруҳидан жой олди. 

Эслатиб ўтамиз, аввалроқ Аргентина ва Португалия ўз ғурурларида биричи ўринни эгаллаб, плей-офф босқичига чиқса, улар чорак финалида бир-бирига қарши майдонга тушиши ҳақида хабар берилган эди.