Месси терма жамоада энг кўп гол урган футболчилар орасида учинчи ўринга чиқиб олди

Футбол бўйича Аргентина терма жамоасининг Ямайка билан ўртоқлик учрашувида 3:0 ҳисобида ғалаба қозонди. Аргентинанинг 2 та голига Лионель Месси муаллифлик қилган.

ПСЖ ҳужумчиси мазкур ўйинда миллий терма жамоа сафидаги 89 ва 90-голларини киритди. Бу натижаси орқали Месси малайзиялик Мохтар Даҳарини (89) ортда қолдириб, терма жамоалар тарихидаги энг яхши тўпурарлар қаторида учинчи ўринга кўтарилиб олди.

Умуман олганда, Месси Аргентина терма жамоаси сафида 164 та ўйин ўтказган. У терма жамоа тарихида энг кўп ўйин ўтказган футболчилардан бири ва Аргентинанинг энг яхши тўпурари ҳисобланади.

Термада гол уриш борасидаги энг яхши иккинчи натижа эронлик собиқ футболчи Али Даеи тегишлидир. Али Эрон учун 148 та ўйинда ҳаракат қилиб, 109 та гол киритган. Бу борада мутлоқ рекордчи эса Мессинингазалий  рақобатчиси Криштиану Роналду ҳисобланади. Роналду Португалия термаси учун 189 та ўйинда майдонга тушиб, 117 гол та гол урган.

Маълумот учун, Месси 2021 йилнинг ёзида “Барселона”ни тарк этиб, ПСЖ сафига қўшилганди. У “кўк анорранглилар” сафида 520 та ўйин ўтказиб, 474 та гол урган ва 216 та голли узатмани амалга оширган. Месси Каталония клуби билан биргаликда 35 та совринни қўлга киритган ва “Олтин тўп”нинг етти карра соҳибига айланган.