Месси “Интер Майами”нинг энг яхши 3-тўпурарига айланди

Аргентиналик ҳужумчи Лионель Месси “Интер Майами” клубининг барча даврлардаги энг яхши тўпурарлари учлигига кирди. Бу ҳақда Championat.com хабар берди.

“Leagues Cup” мусобақасининг 1/4 финал ўйинида “Интер Майами” ва “Шарлотт” тўқнаш келди. Учрашув мезбонларнинг 4:0 ҳисобидаги ғалабаси якунланди. Баҳсда аргентиналик ҳужумчи Лионель Месси ҳам гол урди. Шундай қилиб, жаҳон чемпиони Америка клуби сафида 5 та ўйинда 8 та гол муаллифига айланди.

“Шарлотт” дарвозасига киритилган гол Мессига Роберт Тейлор билан тенглашиб, клуб тарихидаги энг яхши тўпурарлар рўйхатида 3-ўринга кўтарилиш имконини берди. “Интер Майами”нинг энг яхши тўпурари аргентиналик бошқа бир ҳужумчи Гонсало Игуаин ҳисобланади. Унинг ҳисобида 29 та гол мавжуд. Бу кўрсаткич бўйича 2-ўринни Леонардо Кампана (16 гол) эгаллаб турибди.

Эслатиб ўтамиз, Месси Лига кубоги 1/16 финали доирасидаги “Орландо”га қарши ўйинида (3:1) футболчи дубл қайд этиб, клуб тарихига кирганди. Ўша ўйиндаги 2 та голи билан Месси – “Интер Майами” тарихида кетма-кет икки ўйинда биттадан кўп гол урган биринчи футболчига айланди.