Месси 4 та ўйиндаёқ “Интер Майами”нинг энг яхши тўпурарлари сафига кирди

Аргентиналик ҳужумчи Лионель Месси “Интер Майами”нинг барча даврлардаги энг яхши тўпурарлари тўртлигига кирди. Бу ҳақда Championat.com хабар берди.

“Leagues Cup” мусобақасининг 1/8 финали доирасидаги “Даллас” билан ўйинда Месси дубл қайд этди. Аргентиналик ҳужумчи Америка клуби сафида 4 та ўйинда 7 та гол уриб, клуб тарихидаги энг яхши тўпурарлар рўйхатида 4-ўринга кўтарилиб олди. Шунингдек, Флорида жамоаси сафида Жозеф Мартинес, Льюис Морган ва Родольфо Пизарролар ҳам 7 та гол уришни уддасидан чиққан.

“Интер Майами”нинг энг яхши тўпурари яна бир аргентиналик футболчи Гонсало Игуаин ҳисобланади. Унинг ҳисобида 29 та гол мавжуд.  Бу кўрсаткич бўйича 2-ўринни Леонардо Кампана (16 гол) эгаллаб турибди. Кучли учликни Роберт Тейлор (8) якунлаган.

Эслатиб ўтамиз, аввалроқ Месси MLS'га янги қўшилган футболчилар ўртасидаги рекордни ўрнатгани хабар қилинганди. “Интер Майами”нинг “Даллас”га қарши ўйини 4:4 ҳисобида якунланди. Пеналтилар сериясида эса Месси жамоаси имкониятни бой берди.