Mercedes-benz ва Gentra'нинг даҳшатли тўқнашувидан йўловчилар вафот этди

Crime

−

22 April 2023 visibility15735 timer1 minute

Фарғона вилояти Қўқон шаҳрида содир бўлган йўл-транспорт ҳодисаси оқибатида 2 киши вафот этди. Яна икки нафар фуқаро оғир аҳволда шифохонага ётқизилгани маълум бўлди. Бу ҳақда вилоят ИИБ матбуот хизмати хабар берди.

Маълум қилинишича, шу йилнинг 22 апрель куни соат 08:00 ларда ҳайдовчи 1998 йилда туғилган А.Т. Gentra автомашинасини шаҳарнинг Туркистон-Пўстиндўз кўчалари кесишган чорраҳада бошқариб келаётган вақтида 1972 йилда туғилган B.X. бошқарувидаги Mercedes-benz русумли автомашина 2-даражали йўлдан чиқиб келиши оқибатида ЙТҲ содир бўлган.

Оқибатда Mercedes-benz автомашинасида бўлган 2 нафар йўловчи оғир тан жароҳати олиб, ҳодиса жойида вафот этган. Ҳайдовчилар А.Т. ва Б.Х. тан жароҳати олиб, шифохонага ётқизилган.

Ҳолат юзасидан терговга қадар текширув ҳаракатлари олиб борилмоқда.

Author