Мелиқўзиев навбатдаги мексикалик рақибини 3-раундда нокаутга учратди

Спорт 31 Октябрь 08:41

8199

Профессионал бокснинг супер ўрта вазн (-76,2 кг) тоифасида рингга чиқаётган ўзбекистонлик Бектемир Мелиқўзиев (6-0, 5 КО) ўзининг навбатдаги жангини мексикалик Алан Кампага (17-6, 11 КО) қарши ўтказди.

Жанг 3 раунд давом этди ва Бектемирнинг катта устунлиги билан ўтди. 2-раундда ўзбекистонлик боксчи рақибини нокдаун ҳолатига тушириб қўйди. 3-раундда эса Мелиқўзиевнинг кучли зарбаларидан сўнг мексикалик боксчи нокаут ҳолатига тушди.

Бу ўзбекистонлик спортчининг профессионал рингдаги 6-ғалабаси бўлди. Бектемир ушбу ғалабаси орқали WBO Intercontinental камарига эга чиқди.

Суннатилла Абдуллаев

Мақолага баҳо беринг

Баҳолаганлар: 380

Рейтинг: 3.1