Мбаппе “Реал”га ўтмаса, Педреролл истеъфога чиқади

“El Chiringuito” дастури директори Хосеп Педреролл томошабинларни ПСЖ ҳужумчиси Киллиан Мбаппе жорий йил ёзда “Реал Мадрид”га ўтишига ишонтирган ва трансфер амалга ошмаган тақдирда истеъфога чиқишини маълум қилди. 

“Мбаппе келаси мавсум “Реал”да ўйнайди. Агар бу амалга ошмаса, ишимни тарк этаман”, дея таъкидлаган Педреролл.

Студиядаги бошқа иштирокчилар бунга ишонишмаган ва журналистдан яна бир марта такрорлашни сўрашган.

Бундан ташқари, журналист Хосе Алварес Хая Мбаппе ҳалигача ПСЖ унга юборган икки йиллик таклифга жавоб бермаганини ва Париж клуби уни сақлаб қолиш учун ҳеч нарса қила олмаслигига ишонишини айтиб ўтган.

Эслатиб ўтамиз, 23 ёшли ҳужумчининг парижликлар билан шартномаси жорий йилнинг ёзида ўз якунига этади ва эндиликда у исталган клуб билан дастлабки шартнома бўйича музокара олиб бориши мумкин. 

Маълумот учун, “El Chiringuito” Испания Ла лигасига оид аниқ таҳлиллар, энг яхши дебатлар ва футболдаги машҳур шахслар билан интервью ташкил қилинувчи дастур ҳисобланади.