Мбаппе Мадрид дербисини ўтказиб юбориши мумкин
Спорт
−
25 Сентябрь 998
Мадриднинг “Реал” клуби ҳужумчиси Килиан Мбаппе Испания чемпионатининг 7-турида “Алавес”га қарши кечган ва “қаймоқранглилар”нинг 3:2 ҳисобидаги ғалабаси билан якунланган учрашувда жароҳат олди. Бу ҳақда Испаниянинг “Relevo” хабар берди.
Ушбу ўйинда форвард 80-дақиқада гол уриб, мураббийлардан заҳирага олишни сўради. Франциялик ҳужумчининг сон пайида муаммоси бор. Энди унинг “Атлетико” билан ўйиндаги иштироки сўроқ остида қолмоқда. “Реал Мадрид” раҳбарияти ҳам ҳозирги вазиятдан хавотирда.
Маълумот учун, 7 та ўйин натижасига кўра, “Реал Мадрид” 17 очко жамғариб, Ла Лига турнир жадвалида 2-ўринда бормоқда. “Алавес” эса 10 очко жамғариб, 8-ўринни банд этган. Ҳозирда Каталониянинг “Барселона” клуби 18 очко билан Испания чемпионати турнир жадвалида пешқадамлик қилмоқда.
