Мбаппе ҳозирги “Реал”нинг асосий муаммоси – Анчелотти
Спорт
−
05 Ноябрь 13193
Мадриднинг “Реал” клуби бош мураббийи Карло Анчелотти жамоанинг янги юлдузи Килиан Мбаппенинг ўйинидан норози. Бу ҳақда “Give me Sport” хабар берди.
Манбага кўра, “қаймоқранглилар” устози жорий мавсумда турли ўйинларда Мбаппедан кўпроқ нарсани талаб қилган. Италиялик мутахассис франциялик футболчининг жамоанинг ҳимоявий ҳаракатларида қатнашмаётганидан ҳафсаласи пир бўлган.
Суперюлдуз тўпга эга бўлмаганида жамоадошларига ёрдам бера олмагани, айниқса, “Барселона”га қарши ўйинда мураббий учун сезиларли бўлди. Ўшандан бери Анчелотти Мбаппени “Реал”нинг энг катта муаммоси деб атамоқда, чунки Килианнинг келиши жамоага номутаносиблик олиб келди.
Жорий мавсумда Ла Лигада Мбаппе “Реал” сафида ўнта ўйинда майдонга тушиб, 6 та гол урди. 25 ёшли француз ёзги мавсумда эркин агент сифатида Мадрид клубига қўшилганди.
