Лондондаги икки бекат Кейн ва Беллингем шарафига қайта номланди

2026 йилги Жаҳон чемпионати давомида Лондондаги иккита жамоат транспорти бекати Англия терма жамоаси футболчилари – ҳужумчи Ҳарри Кейн ва ярим ҳимоячи Жуд Беллингем шарафига вақтинча қайта номланди. Бу ҳақда “Sky News” хабар берди.

Жанубий Лондондаги бекатлардан бирига “Беллингем” ҳамда “Жуд Беллингем бекатига хуш келибсиз” деган ёзувлар туширилган баннерлар ўрнатилди.

Шунингдек, пойтахтдаги машҳур Канэри-Уорф метро бекати ҳам Англия терма жамоаси сардори Ҳарри Кейн шарафига сўз ўйини тариқасида “Кейнари Уорф” деб номланди.

Эслатиб ўтамиз, Англия терма жамоаси ўз тарихида тўртинчи марта Жаҳон чемпионатининг ярим финалига чиқди. Томас Тухель шогирдлари ярим финалда Аргентина терма жамоасига қарши майдонга тушади.

Қайд этиш жоиз, Ҳарри Кейн ва Жуд Беллингем 2026 йилги Жаҳон чемпионатида ҳар бири 6 тадан гол урди. Шу тариқа, Англия терма жамоасининг турнирда киритган 13 та голининг 12 тасига айнан ушбу икки футболчи муаллифлик қилди.