Лондон мэри эскирган автомобилларни Украинага беришни таклиф қилди
Олам
−
23 Декабрь 2023 13112
Лондон мэри Содиқ Хон эскирган автомобилларни Украинага жўнатиш учун уларни қайта ишлаш қоидаларини ўзгартиришни таклиф қилмоқда. Бу ҳақда ТАСС хабар берди.
Жаноб Хон ва Британия Мудофаа вазирлигининг собиқ раҳбари Бен Уоллес мамлакат Транспорт вазири Марк Харперга йўллаган мактубида ўзгача ташаббус билан чиққан.
Ҳужжат автомобиллари Украинага юбориладиган британияликларга қайта ишлаш сертификатининг аналогини беришни таклиф қилади.
“Содиқ Хон Транспорт вазирлиги фуқароларга ҳавони ифлослантирувчи автомобилларни кўчалардан олиб чиқиш учун пул олиш ва шу билан бирга украиналикларга ҳаётий ёрдам кўрсатиш имконини берувчи ташаббусни қўллаб-қувватлашини кутмоқда”, деб ёзади ТАСС.
Сентябрь ойида Киев мэри Виталий Кличко Лондон экологик меъёрларга жавоб бермайдиган автомобилларни утилизация қилиш учун тўловлар дастурини жорий қилганига эътибор қаратган ва уларни утилизацияга жўнатмасликни, балки автомашиналарни Украинага топширишни таклиф қилган эди.
Live
Барчаси
