Лондон аэропортида йўловчи самолёти ҳалокатга учради

Кеча, 13 июль куни Лондон аэропортида Beech B200 Super King Air йўловчи самолёти ҳалокатга учради. Бу ҳақда “Independent” хабар берди.

Flightradar маълумотларига кўра, самолёт маҳаллий вақт билан 15:45 да парвоз қилиши керак бўлган, бироқ парвоз 10 дақиқага кечиктирилган. Самолёт Нидерландияга учиши керак эди.

“Эрталаб Хорватиядан етиб келган B200 Super King Air йўловчи самолёти аэропортдан Нидерландиянинг Лелйстад шаҳрига йўл олган эди”, деб ёзади “Independent” газетаси.

Фожиа жойидан олинган кадрлар аллақачон интернетда пайдо бўлган. Фожиа жойидан олинган сурат ва видеоларда йўловчиларнинг бошқа самолётга ўтиргани, қулаган ва ёнаётган самолётдан тутун осмонга кўтарилаётганини кўриш мумкин. Фожиа тафсилотлари ҳозирча номаълум.

Воқеа жойида фавқулодда хизматлар ишламоқда – тез ёрдам бригадалари ва ўт ўчирувчилар тезда ҳалокат жойига етиб борган. Фожиа вақтида бортда бўлганларнинг аниқ сони маълум эмас.

“Биз 12 метрли битта самолёт иштирокида тўқнашув содир бўлгани ҳақидаги хабарларни соат 16:00 га яқин олдик... Биз жамоатчиликдан бу ишлар олиб борилаётган вақтда, иложи бўлса, ҳудуддан қочишларини сўраймиз”, дейди Эссекс полицияси вакили.

Ҳодиса содир бўлган Саутенд аэропорти “жиддий ҳодиса туфайли кейинги огоҳлантиришгача” ёпилди.

Маълумот учун, B200 Super King Air самолёти одатда 7-9 йўловчига мўлжалланган. Ярадорлар ва ҳалок бўлганлар ҳақидаги маълумотларга аниқлик киритилмоқда.