Ломбард ва микрокредит ташкилотларига қўйилган талаблар камайтирилди

Жамият 1299
image

Ўзбекистон Республикаси Марказий банки бошқарувининг қарори билан ломбард ва микрокредит ташкилотлари томонидан касса операцияларини амалга ошириш қоидаларига тегишли ўзгартиришлар киритилди. Бу ҳақда "Норма" хабар берди.

Хусусан, қуйидагилар бекор қилинди:

•    кассада иккита: қимматликларни сақлаш хонаси ва касса операцияларини амалга ошириш хонаси бўлиши зарурлиги шарти;
•    бинонинг биринчи қаватида ёки оралиқ қаватида жойлашиши тўғрисидаги шарт;
•    касса хоналари деворлари ва эшикларининг муайян қалинликда бўлиши тўғрисидаги шарт ва бошқалар.

Касса хоналарига моддий жавобгар шахсларнинг биометрик белгиларига: бармоқ изи, кўз гавҳари, товуш диапазони ва бошқаларга қараб идентификация қилишга қодир бўлган эшиклар ўрнатилиши мумкин.

Бундан ташқари, кассадаги нақд пул қолдиғининг белгиланган лимитидан ортиқча бўлган қисмини банкдаги ҳисобварақларга киритиш учун банкка топшириш тартиби тўғрисидаги бандга тузатиш киритилди. Ломбардлар ва микрокредит ташкилотлари  нақд пулларни инкассация хизматлари орқали ёки мустақил равишда топширишлари белгиланди. Эслатиб ўтамиз, 2018 йил 1 ноябрдан қуйидаги қоидалар амал қилмоқда: хўжалик юритувчи субъектлар нақд пулни кунлик ўртача нақд пул тушум 20 БҲМдан ортиқ бўлганда ҳар куни, кам бўлганда эса ўзлари белгилаган муддатларда топширадилар.

Суннатилла Абдуллаев
Мақолага баҳо беринг
Баҳолаганлар: 26
Рейтинг: 2.9
t
×