Кучли ёмғир оқибатида “Қамчиқ” довонини лой ва қум қоплади (видео)
Жамият
−
10 Май 9644
Кучли ёғингарчилик туфайли "Қамчиқ" довони йўли лой ва қумтошлар билан қопланди. Бу ҳақда ФВВ ахборот хизмати хабар берди.
Маълум бўлишича, А-373 автомобиль йўлининг "Қамчиқ" довонидан ўтувчи 229-километрида жалали ёмғирларнинг ёғиши оқибатида йўлнинг ҳаракат қисмини лой, қумтошли масса қоплаган.
"Ҳодиса оқибатида тан жароҳати олган ва ҳалок бўлганлар йўқ. Вазият назоратга олинган", дейилади хабарда.
Ҳозирда ҳодиса оқибатларини бартараф этиш бўйича ФВВ, ЙҲХХ ҳамда "Қамчиқавтойўл" ИЙФУК ходимлари томонидан тезкор чоралар кўрилаётгани айтилмоқда.
Йўлнинг ҳаракат қисми яқин дақиқаларда очилиши кутилмоқда.
Live
Барчаси
