Комилов Пентагон раҳбари билан учрашди

Жамият

image
Трамп Мудофаа вазирини истеъфога чиқариб, Пентагонга янги раҳбар тайинлади north_east

Трамп Мудофаа вазирини истеъфога чиқариб, Пентагонга янги раҳбар тайинлади

Жорий йилнинг 19 ноябрь куни Вашингтон шаҳрида Ўзбекистон Ташқи ишлар вазири Aбдулазиз Комилов бошчилигидаги делегация AҚШ Мудофаа вазири вазифасини бажарувчи Кристофер Миллер билан учрашди.

Учрашувда икки мамлакат ўртасида мудофаа соҳасидаги ҳамкорликнинг истиқболли йўналишлари муҳокама қилинди.

ТИВ хабарига кўра, Кристофер Миллер Ўзбекистонга Марказий Осиёда барқарорлик ва хавфсизликни таъминлашда етакчи рол ўйнаётгани учун миннатдорлик билдирган ва Aмерика Қўшма Штатлари хавфсизлик билан боғлиқ умумий муаммоларни ҳал қилишда Ўзбекистон билан алоқаларни давом эттиришини тасдиқлаган. 

Пентагон раҳбари, шунингдек, Ўзбекистоннинг афғонлараро тинчлик музокараларини олиб бориш, Aфғонистонни иқтисодий тиклаш ва унинг Марказий Осиё минтақасига интеграциясини қўллаб-қувватлаш борасидаги саъй-ҳаракатларини мамнуният билан қайд этган. Томонлар Aфғонистондаги тинчлик жараёнини бундан кейин ҳам илгари суриш ва барқарор сиёсий келишув мақсадини қўллаб-қувватлашда қатъий эканликларини тасдиқлаганлар.

Икки томон ҳам ҳарбий ҳамкорликни янада кенгайтириш муҳимлигини ва терроризмга қарши кураш, чегара хавфсизлиги ва мудофаа муассасалари салоҳиятини ошириш каби масалаларда яқин ҳамкорликни давом эттиришларини таъкидлаганлар.


Мақола муаллифи

Теглар

Ўзбекистон-АҚШ

Баҳолаганлар

73

Рейтинг

3

Мақолага баҳо беринг

Дўстларингиз билан улашинг