Касб-ҳунар мактабларига қабул муддати узайтирилди

Жамият 949
image

Ёшларга шароит яратиш мақсадида касб-ҳунар мактабларига ҳужжатлар қабули 15 августга қадар узайтирилди. Бу ҳақда Олий ва ўрта махсус таълим вазирлиги Матбуот хизмати хабар берди.

Бундан олдин касб-ҳунар мактабларига ҳужжатлар қабули 20 июлга қадар этиб белгиланган эди.

Эслатиб ўтамиз, Олий ва ўрта махсус таълим вазирининг буйруғи билан 2022/2023 ўқув йилида коллеж ва техникумларга кундузги, кечки, сиртқи ва дуал таълим шакллари бўйича жами 139 638 та қабул квотаси тасдиқланди.

Шундан:

•    149 та коллеж учун — 59 минг 460 та;

•    194 та техникум учун — 80 минг 178 та.

Маълумот учун, ҳужжатлар kasb.edu.uz электрон платформаси орқали қабул қилинади. Платформага:

•    туғилганлик ҳақидаги гувоҳнома ёки ID-карта маълумотлари;

•    3х4 ҳажмидаги фотосурат киритилади.

Суннатилла Абдуллаев
Мақолага баҳо беринг
Баҳолаганлар: 11
Рейтинг: 3.3
t
×