Хитойлик мухолифатчи миллиардер АҚШда 30 йилга қамалди
Олам
−
14:07 2353 3 дақиқа
АҚШ федерал суди Хитойдан қочиб кетган миллиардер Го Вэнгуйни йирик молиявий фирибгарликда айбдор деб топиб, 30 йил муддатга озодликдан маҳрум қилди. Бу ҳақда “The Guardian” хабар берди.
2024 йил июль ойида судьялар ҳайъати Го Вэнгуйни 12 та айбловнинг тўққизтаси бўйича, жумладан, қимматли қоғозлар билан боғлиқ қонунбузарликлар, электрон фирибгарлик ва пул ювиш жиноятларида айбдор деб топган. Ҳо Ван Квок ва Майлз Го номлари билан ҳам танилган тадбиркор 2023 йил март ойида Нью-Йорк шаҳридаги Марказий боғга қараган ҳашаматли уйида ФҚБ томонидан ҳибсга олинган. Тергов маълумотларига кўра, у минглаб инвесторларни алдаб, 1 миллиард АҚШ долларидан ортиқ маблағни ноқонуний ўзлаштирган.
Кеча, 29 июнь куни Нью-Йоркда бўлиб ўтган суд мажлисида судья Аналиса Торрес Го Вэнгуй “демократик Хитойни орзу қилган одамларнинг ишончидан фойдаланиб, ўз бойлигини кўпайтиришга ҳаракат қилгани”ни таъкидлаган. Суд, шунингдек, унинг 889 миллион АҚШ долларлик активларини мусодара қилиш ҳақида қарор чиқарган.
Судья Го Вэнгуйни хайрия ва жамоатчилик фаолияти ниқоби остида одамларни алдагани, танқидчиларни қўрқитгани ҳамда ўз қилмишлари учун масъулиятни тан олмагани учун танқид қилган. Айбланувчи эса ўзини айбсиз деб ҳисоблашини билдириб, жалб қилинган маблағлар сиёсий фаолият учун ишлатилганини айтган.
Қайд этилишича, Го Вэнгуй Хитойда кўчмас мулк соҳасида катта бойлик орттирган. У 2017 йилда Хитой Коммунистик партияси томонидан сиёсий таъқибга учраётганини даъво қилиб, АҚШдан бошпана сўраган. Кейинчалик у Хитой Коммунистик партиясининг кескин танқидчиси сифатида танилган ва ўзини демократия тарафдори сифатида кўрсатиб келган.
У, шунингдек, АҚШ Президенти Дональд Трампнинг узоқ йиллик иттифоқчиси Стив Бэннон билан яқин алоқаларни сақлаган. Бэннон 2020 йилда Го Вэнгуйнинг яхтасида ҳибсга олинган. У АҚШ-Мексика чегарасида хусусий девор қуриш учун йиғилган хайрия маблағларини ўзлаштиришда айбланган. 2025 йил февраль ойида эса айбини тан олиб, қамоқ жазосидан қутулган.
АҚШ ҳуқуқни муҳофаза қилувчи органларининг маълум қилишича, Го Вэнгуй АҚШга келгач, мухолифатчи сифатидаги обрўсидан фойдаланиб, одамларни турли компания ва лойиҳаларига сармоя киритишга ундаган. У инвесторларга юқори даромад ва эксклюзив хизматларни ваъда қилган, аммо терговга кўра, йиғилган маблағларни асосан ўзининг ҳашаматли турмуш тарзини молиялаштиришга сарфлаган.
Манбага кўра, судда прокурор Райан Финкел Го Вэнгуйни “демократик фаол эмас, балки фирибгар, товламачи ва ўғри” деб атаган. У билан бирга Хитой Коммунистик партиясига қарши лобби гуруҳини тузган собиқ ҳамкори Иветт Ванг ҳам ушбу схемадаги иштироки учун ўтган йили 10 йиллик қамоқ жазосига ҳукм қилинган.
Эслатиб ўтамиз, аввалроқ Жанубий Корея суди собиқ президент Юн Сок Ёлни Шимолий Корея ҳудудига дронлар юборганликда айбдор деб топиб, 30 йилга озодликдан маҳрум қилинган эди.
2024 йил июль ойида судьялар ҳайъати Го Вэнгуйни 12 та айбловнинг тўққизтаси бўйича, жумладан, қимматли қоғозлар билан боғлиқ қонунбузарликлар, электрон фирибгарлик ва пул ювиш жиноятларида айбдор деб топган. Ҳо Ван Квок ва Майлз Го номлари билан ҳам танилган тадбиркор 2023 йил март ойида Нью-Йорк шаҳридаги Марказий боғга қараган ҳашаматли уйида ФҚБ томонидан ҳибсга олинган. Тергов маълумотларига кўра, у минглаб инвесторларни алдаб, 1 миллиард АҚШ долларидан ортиқ маблағни ноқонуний ўзлаштирган.
Кеча, 29 июнь куни Нью-Йоркда бўлиб ўтган суд мажлисида судья Аналиса Торрес Го Вэнгуй “демократик Хитойни орзу қилган одамларнинг ишончидан фойдаланиб, ўз бойлигини кўпайтиришга ҳаракат қилгани”ни таъкидлаган. Суд, шунингдек, унинг 889 миллион АҚШ долларлик активларини мусодара қилиш ҳақида қарор чиқарган.
Судья Го Вэнгуйни хайрия ва жамоатчилик фаолияти ниқоби остида одамларни алдагани, танқидчиларни қўрқитгани ҳамда ўз қилмишлари учун масъулиятни тан олмагани учун танқид қилган. Айбланувчи эса ўзини айбсиз деб ҳисоблашини билдириб, жалб қилинган маблағлар сиёсий фаолият учун ишлатилганини айтган.
Қайд этилишича, Го Вэнгуй Хитойда кўчмас мулк соҳасида катта бойлик орттирган. У 2017 йилда Хитой Коммунистик партияси томонидан сиёсий таъқибга учраётганини даъво қилиб, АҚШдан бошпана сўраган. Кейинчалик у Хитой Коммунистик партиясининг кескин танқидчиси сифатида танилган ва ўзини демократия тарафдори сифатида кўрсатиб келган.
У, шунингдек, АҚШ Президенти Дональд Трампнинг узоқ йиллик иттифоқчиси Стив Бэннон билан яқин алоқаларни сақлаган. Бэннон 2020 йилда Го Вэнгуйнинг яхтасида ҳибсга олинган. У АҚШ-Мексика чегарасида хусусий девор қуриш учун йиғилган хайрия маблағларини ўзлаштиришда айбланган. 2025 йил февраль ойида эса айбини тан олиб, қамоқ жазосидан қутулган.
АҚШ ҳуқуқни муҳофаза қилувчи органларининг маълум қилишича, Го Вэнгуй АҚШга келгач, мухолифатчи сифатидаги обрўсидан фойдаланиб, одамларни турли компания ва лойиҳаларига сармоя киритишга ундаган. У инвесторларга юқори даромад ва эксклюзив хизматларни ваъда қилган, аммо терговга кўра, йиғилган маблағларни асосан ўзининг ҳашаматли турмуш тарзини молиялаштиришга сарфлаган.
Манбага кўра, судда прокурор Райан Финкел Го Вэнгуйни “демократик фаол эмас, балки фирибгар, товламачи ва ўғри” деб атаган. У билан бирга Хитой Коммунистик партиясига қарши лобби гуруҳини тузган собиқ ҳамкори Иветт Ванг ҳам ушбу схемадаги иштироки учун ўтган йили 10 йиллик қамоқ жазосига ҳукм қилинган.
Эслатиб ўтамиз, аввалроқ Жанубий Корея суди собиқ президент Юн Сок Ёлни Шимолий Корея ҳудудига дронлар юборганликда айбдор деб топиб, 30 йилга озодликдан маҳрум қилинган эди.
Live
Барчаси
