Хитой бошқа давлатларни Трампга қарши “уруш”га чорлади

Хитой раҳбарияти ўз амалдорларига бошқа мамлакатларни АҚШ Президенти Дональд Трампнинг божларига қарши чиқишга ундаш учун дипломатик кампания ўтказишни буюрди. Бу ҳақда Хитой манбаларига таяниб, “Reuters” хабар берди.

Нашрга кўра, жавоб чораларини тайёрлашда Хитой Коммунистик партияси ходимлари етакчи роль ўйнаган. Хусусан, ҳукумат вакиллари ижтимоий тармоқларда Хитой асосчиси Мао Цзэдун иштирокида “Биз ҳеч қачон таслим бўлмаймиз”, деган видеоларни эълон қилган.

Қайд этилишича, Хитой Ташқи ишлар вазирлиги ва Савдо вазирлиги ходимларига таътилларни бекор қилиш ва “мобил телефонларни кеча-ю кундуз ёқиб туриш” буюрилган.

north_east

Трамп савдо урушида тўсиққа учради. Хитой ён беришни истамаяпти

Баъзи бир хабарларга кўра, Хитой дипломатлари АҚШ божлари таъсир кўрсатган бир қанча давлатларга ҳамкорлик қилиш илтимоси билан хатлар юборган, шунингдек, “АҚШнинг Европадаги, Япония ва Жанубий Кореядаги эски иттифоқчилари” билан алоқалар ўрнатган.

Эслатиб ўтамиз, аввалроқ Хитой Раиси Си Цзиньпин Пекинда Испания Бош вазири Педро Санчес билан учрашувда Хитой Европа Иттифоқига кўп қутбли дунёда муҳим сиёсий ва иқтисодий куч сифатида қараши ва мамлакатлар орасида ҳамкорликка умид қилиши ҳақида айтганди. Унинг сўзларига кўра, Европа Иттифоқи ва Хитой Трамп маъмуриятининг тарифларига қарши биргаликда ҳаракат қилиши керак.