Карантинда ходимлари билан рақсга тушган ҳоким жазоланди (видео)

Олам 48508

Қозоғистон Республикасининг Қарағанда вилояти Жайрем тумани ҳокими Аманқази Наукенов ўз қўл остидагилар билан бирга рақсга тушгани учун ҳайфсан олди. Маданият ва санъат ходимлари куни муносабати билан видео ижтимоий тармоқларда жойлаштирилган эди.

Каражал шаҳар ҳокимиятидан олинган маълумотларга кўра, видеода “Жайремский го” АЖ касаба уюшма қўмитаси раиси, Жайрем туманининг маданий-ҳордиқ маркази директори ва ушбу ташкилотнинг бир нечта ходимларини кўриш мумкин.

Ушбу тадбир мамлакатда оммавий тадбирларни ўтказишга қўйилган тақиқни бузган ҳолда ўтказилганлиги сабабли ҳокимга нисбатан интизомий жазо қўлланилган.

Сўнгги маълумотларга кўра, Қозоғистонда 16 351 киши коронавирусга чалинган. Соғайганларнинг сони 10 195 нафарни ташкил этаётган бўлса, 105 бемор вафот этган.

Сарвар Анвар ўғли
Мақолага баҳо беринг
Баҳолаганлар: 935
Рейтинг: 3
t
×