Канададаги ЙТҲда уч нафар спортчи ҳалок бўлди

Sport

−

03 February visibility1921 timer1 minute

Канадада USPHL Премьер-лигасининг “Жанубий Альберта Мустанги” жамоасининг уч нафар хоккейчиси йўл-транспорт ҳодисаси оқибатида вафот этди. Бу ҳақда CBC хабар берди.

Нашр ёзишича, спортчилар жамоавий машғулотларга йўл олаётган пайтда улар ҳаракатланаётган автомобиль Канаданинг Альберта провинциясидаги автомагистралда ярим тиркамали юк машинаси билан тўқнашган.

Ҳодиса оқибатида 18 ёшли Кэмерон Касорсо, Жей-жей Райт ва 17 ёшли Кейден Файн вафот этган.

Бир қатор хоккей клублари, жумладан, “Гумбольдт Бронкос” жамоаси қурбонларнинг оилалари ва “Жанубий Альберта Мустанги” жамоасига ҳамдардлик билдирган.

Альберта провинцияси бош вазири Даниэль Смит ҳам хоккейчиларнинг вафоти билан ҳамдардлигини изҳор қилган.

Маълумотларга кўра, жамоа жойлашган Ставелей шаҳрида маҳаллий аренада марҳум спортчиларнинг таёқчалари ва футболкалари қўйилган вақтинчалик ёдгорлик ташкил этилган.

Author