Канада Бош вазири карантинга олинди. Унинг рафиқасида коронавирус аниқланди

Олам 4497
image

Канада Бош вазири Жастин Трюдонинг рафиқаси Софи Грегуар-Трюдо COVID-19 коронавирусига чалинди. Бу ҳақда “AP News” хабар бермоқда.

Маълум бўлишича, сиёсатчининг рафиқаси жорий йилнинг 11 март куни Лондондан келган. Шундан сўнг унда шамоллаш аломатлари сезила бошлаган. Софи Грегуар-Трюдо гарчи ўзини яхши ҳис этаётган бўлсада, аммо барибир изоляция қилинган.

Ушбу воқеага қадар, Бош вазир Трюдо ва унинг рафиқаси карантинга олинган эди. Бош вазирнинг ўзида касаллик аломатлари сезилмаган.

Айни дамда Канадада 118 нафар одам коронавирусга чалинган.

Сўнгги маълумотларга кўра, жаҳонда коронавирусга чалинганлар сони 135 801 нафардан ошди. 4974 киши ундан вафот этди. 70 352 нафар бемор шифо топди.

Сарвар Анвар ўғли
Мақолага баҳо беринг
Баҳолаганлар: 115
Рейтинг: 3.1
t
×