Kadastr agentligi direktoriga o‘rinbosarlar tayinlandi

O‘zbekiston Respublikasi Vazirlar Mahkamasining joriy yil 21 sentyabrdagi qarori bilan Kadastr agentligi rahbariyatida tayinlovlar amalga oshirildi. 

Unga ko‘ra, Kadastr agentligi direktori o‘rinbosarliga quyidagilar:

•    Otabek Validjanovich Allaberganov Davlat soliq qo‘mitasi huzuridagi Kadastr agentligi direktorining birinchi o‘rinbosari etib;

•    To‘lqin Mansurovich Abdullayev Kadastr agentligi direktorining o‘rinbosari etib;

•    Mirsaid Sodiqovich Mirmaqsudov Kadastr agentligi direktorining o‘rinbosari etib;

•    Abdushukur Hamidovich Abdullayev Kadastr agentligi direktorining o‘rinbosari – “Geoinnovatsiya markazi” davlat unitar korxonasi direktori etib tayinlandi.

Eslatib o‘tamiz, kuni kecha Halilillo Sobirjonovich To‘raxo‘jayev O‘zbekiston Respublikasi Davlat soliq qo‘mitasi raisining birinchi o‘rinbosari – Qo‘mita huzuridagi Kadastr agentligi direktori lavozimiga tayinlandi.

Ma’lumot uchun, Kadastr agentligi O‘zbekiston Respublikasi Prezidentining “Yer hisobi va davlat kadastrlarini yuritish tizimini tubdan takomillashtirish chora-tadbirlari to‘g‘risida”gi farmoni bilan Yer resurslari, geodeziya, kartografiya va davlat kadastri davlat qo‘mitasi negizida tashkil etildi.