Ўзбекистонда пулнинг қадрсизланиш даражаси камая бошлади
Жамият
−
02 Февраль 2020 8076
Жорий ийлнинг январь ойида Ўзбекистонда инфляция даражаси 0,6 фоизни ташкил этди. Бу ҳақда Молия вазири Жамшид Қўчқоров маълум қилди.
Таққослаш учун, 2019 йил худди шу даврда инфляция 1,5 фоиз, 2018 йил январида 2,7 фоиз, 2017 йил илк ойида эса 1,5 фоиз бўлган.
“Инфляцияни жиловладик дейишга ҳали эрта. Биз фақатгина инфляция билан курашиш мумкинлигини кўряпмиз холос.
Инфляцияга таъсир этувчи бир нечта номонетар омиллар ҳали ҳам нейтрализация қилинмаган. Ишлашимиз керак, асосийси - инфляцияни ўтган йилгига нисбатан пасайтириш эҳтимоли анчагина юқори”, деб ёзди Қўчқоров Twitter саҳифасида.
Маълумот учун, мамлакатда инфляция даражаси 2021 йилда бир хонали сонга тушиши, 2023 йилга бориб эса 5 фоизлик таргетга эришилиши кутилмоқда.
Live
Барчаси
