Қозоғистоннинг Олмаота шаҳрида йирик ёнғин содир бўлди (видео)
Олам
−
12 Август 2023 4219
Бугун, 12 август куни Қозоғистоннинг Олмаота шаҳридаги бозорлардан бирининг омборхоналарида ёнғин содир бўлди. Бу ҳақда “Central Asia” хабар берди.
Қайд этилишича, шаҳарнинг Москвина кўчасидаги бозор омборхоналарида бугун эрталаб ёнғин чиққан. Уни бартараф қилиш учун 25 та махсус техника, 85 киши, шу жумладан, шаҳар фавқулодда хизматлари жалб қилинган. Ёнғин маҳаллий вақт билан соат 09:45 да ўраб олиниб, ўчирилган.
Ҳодиса оқибатида ҳалок бўлган ёки жабрланганлар ҳақида маълумот берилмаган. Ўт ўчирувчилар қўшни омборхоналарда ёнғиннинг олдини олиш бўйича иш олиб бормоқда.
Эслатиб ўтамиз, аввалроқ Олмаота шаҳридаги 16 қаватли турар жой биносида йирик ёнғин содир бўлган ва оқибатда 250 дан ортиқ одам эвакуация қилинган эди.
